Malare ninne kanathirunnal -Premam song lyrics with MP3

Film: Premam
Singer: Vijay Yesudas
Music: Rajesh murugesan
Lyrics: Shabareesh Varma

തെളിമാനം മഴവില്ലിൻ നിറമണിയും നേരം
നിറമാർന്നൊരു കനവെന്നിൽ തെളിയുന്ന പോലെ
പുഴയോരം തഴുകുന്നീ തണു ഈറൻ കാറ്റും
പുളകങ്ങൾ ഇഴ നെയ്തൊരു കുഴലൂതിയ പോലെ

കുളിരേകും കനവെന്നിൽ കതിരാടിയ കാലം
മനതാരിൽ മധുമാസം തളിരാടിയ നേരം
അകമരുവും മയിലിണകൾ തുയിലുണരും കാലം
എന്നകതാരിൽ അനുരാഗംപകരുന്ന യാമം
അഴകേ......അഴകിൽ തീർത്തൊരു ശിലയഴകെ
മലരേ.......എന്നുയിരിൽ വിടരും പനിമലരെ

മലരേ നിന്നെ കാണാതിരുന്നാൽ
മിഴിവേകിയ നിറമെല്ലാം മായുന്ന പോലെ
അലിവോടെന്നരികത്തിന്നണയാതിരുന്നാൽ
അഴകേകിയ കനവെല്ലാം അകലുന്ന പോലെ
ഞാനെന്റെ ആത്മാവിനാഴത്തിനുള്ളിൽ
അതിലോലമാരോരുമറിയാതെ സൂക്ഷിച്ച
താളങ്ങൾ രാഗങ്ങൾ ഈണങ്ങളായി
ഓരോരോ വർണങ്ങളായി

ഇടറുന്നൊരെന്റെ ഇട നെഞ്ചിനുള്ളിൽ
പ്രണയത്തിൻ മഴയായ് നീ പൊഴിയുന്നീ നാളിൽ
തളരുന്നൊരെന്റെ തനു തോറും നിന്റെ
അല തല്ലും പ്രണയത്താൽ ഉണരും മലരേ......
അഴകേ......

കുളിരേകിയ കനവെന്നിൽ കതിരാടിയ കാലം
മനതാരിൽ മധുമാസം തളിരാടിയ നേരം
അകമരുവും മയിലിണകൾ തുയിലുണരും കാലം
എന്നകതാരിൽ അനുരാഗം പകരുന്ന യാമം

അഴകേ... അഴകിൽ തീർത്തൊരു ശിലയഴകേ
മലരേ.. എന്നുയിരിൽ വിടരും പനിമലരേ